Arundhati Roy leh Prof Hussain-te UAPA hnuaiah thubuai siamsak phal

Court of Metropolitan Magistrate, New Delhi thupek angin, author Arundhati Roy leh Central University of Kashmir-a professor hlui, Shiek Showkat Hussain-te chu 2010-a Delhi khawpuia an thusawi chungchangah anti-terror law, Unlawful Activities (Prevention) Act (UAPA) hnuaiah thubuai siamsak an ni dawn.

Delhi Lieutenant Governor V K Saxena chuan October 21, 2010-a New Delh-a LTG Auditorium-a ‘Azadi – The Only Way’ conference neiha thu sawiah, inhuatna chawk chhuak thei zawngin thu an sawi a, India aṭanga Kashmir inlakhran chungchangte an sawi a ni, tiin thubuai siamsakna tur hian phalna a a ni.

Roy leh Prof Hussain-te thusawi chungchangah hian Sushil Pandit chuan kum 2020, November thla khan Metropolitan Magistrate Court, New Delhi-ah complaint a lo theh lut tawh a, kum 2023 October thla khan Raj Bhavan chuan CRPC secton 196, Indian Penal Code 153A leh 153 B hnuaia thubuai siamsak a lo phalsak tawh bawk.

UAPA hnuaia Roy leh Prof Hussain-te thubuai siamsak phalna pek hi eptu party hrang hrangten na takin an sawisel nghal. National Conference (NC) leh Peoples Democratic Party (PDP) chuan he thil hi an dem thu an sawi a, "Khua leh tui dik tak leh zahawmte laka anti-terror law hman chu ngaihtuah ngai tak a ni," an ti. National Congress Party (SP) hotu, Sharad Pawar pawhin Delhi Lieutenant Governor-in UAPA hman phalna a pe chu thuneihna hmansualna a ni, tiin a sawi.