Meikhu-in Taj Mahal rawng a tichhia

National Green Tribunal chuan Agra rama bawlhhlawh hal ṭhin chuan Taj Mahal marble var tak chu a ti eng ṭan niin a sawi.

Green panel hian Agra ram ruak leh Taj Trapezium Zone-ah te bawlhhlawh hal tawh lo turin civil authority-te a ngen bawk.

NGT chairperson Justice Swatanter kaihhruai bench chuan Ministry of Environment & Forests, Ministry of Urban Development, Uttar Pradesh government, Central Pollution Control Board leh hmun dang pahnihah hriattirna hi pein, kar hnih chhunga an chhanna pekir turin a ngen.

He thupek hi Agra-a cheng, green activist DK Joshi-a petition thehluh behchhana siam a ni. Joshi hian IIT-Kanpur, Georgia Institute of Technology leh University of Wisconsin-ten zirchianna an neihah, kum zabi 17 hunlaia marble var hmanga sak, Taj Mahal chu a eng ṭan a, hei hi vaivut bakah meikhu avanga awm a ni tih an sawi niin a tarlang.

Petition thehluhah hian Taj Mahal tichhe thei hlauhawm tak chu khawpui chhung bawlhlhawh tam tak nitin hal a nih avanga meikhuin boruak a tihbawlhhlawh chu a nih thu a sawi.