Central sorkar hnuaia doctor-te pension kum tisang dawn

Prime Minister Narendra Modi chuan Central Health Service hnuaia doctor-te pension kum, kum 65-a tihsanna tur chu a pawm.

Official thuchhuah chuan doctor pension kum tihsan hi health care sector tihchakna tura ruahmanna pakhat a nih thu a sawi. Central Health Service hnuaia doctor-te chuan he dan thar hi May 31, 2016 aṭangin an hmang ṭan nghal dawn a ni.

He ruahmanna thar hian doctor thiam leh experience nei ṭha te chu hun rei zawk chhawr an ni thei dawn a, hei hian mipui, a bikin miretheite tan a ṭang≠kai dawn niin thuchhuah chuan a sawi.

PM-in central service hnuaia doctor-te pension kum tihsanna tur a pawm hnu hian Haryana sorkar pawhin state sorkar hnuaia doctor-te pension kum pawh a tipung ve nghal. State Health Minister Anil Vij chuan, ìHe dan thar hi state doctor 312 ten an chhawr thei dawn a niî a ti. Hemi hian Haryana sorkar chuan an state-a doctor indaih loh avangin an pension kum hi kum 58 aṭangin kum 62-ah tihpun a lo rel tawh a ni.