Parrikar-an diesel motor khap a sawisel

Defence Minister Manohar Parrikar-an Delhi khawpui chhunga diesel hmang motor zawng zawng tlan a khap chu sawiselin, thil awmze nei lo niin a sawi.

Panaji-a vantlang inkhawm buatsaihah thu sawiin, Parrikar chuan diesel hmang motor khap a nih dan chu a hriatthiam loh thu a sawi a, ìBoruak tibawlhhlawhtu motor tlan khap nise chuan ka hrethiam a, mahse diesel SUV khap a ni hi ka hrethiam lo a ni. Hengte hian petrol hmang motor aiin boruak an tihbawlhhlawh lo zawk a niî a ti.

Diesel motor khap hian nghawng ṭha lo tak a nei ngei dawn tih sawiin, Parrikar chuan Mercedz Benz company report chuan court thupek chu an hriatthiam loh avangin India rama investment an tihtawp thute a chhiar tih a sawi bawk.