Muslim-ten triple talaq khap an phut

Bhartiya Muslim Mahila Andolan (BMMA) huaihawtin online petition siam a ni a, Muslim mipa 50,000 chuang ten an nupuite an ṭhen dan, triple talaq system khap phutin hming an sign.

Online peitition-ah hian triple talaq system chu Quran ziritirna nena inmil lo niin tarlan a ni.

Triple talaq system hnuaiah hian mipain a nupui chu ìKa ṭhen cheî tia vawi thum a sawi chuan a ṭhen nghal thei a ni. Vawi hnih a sawi hnuah a nupui hi a la let duh a nih chuan pawm a ni a, mahse vawi thum a sawi zawn hnuah chuan an innei zui thei tawh lo.

BMMA co-founder Zakia Soma chuan Muslim inkaihhruaina aṭanga triple talaq system paihbo duhtu hi mi tam tak an awm tih a sawi a, National Commission for Women (NCW) ah pawh an hmalakna chu thlawp tura an ngen thu a sawi. Muslim hmeichhiate zingah he system tihbo duhtu hi 92% an tling a ni.

Sorkar laipuiin India rama hmeichhiate dinhmun enfiah tura high-level committee a din chuan triple talaq system hi khap tura rawtna pawh a thehlut nia sawi a ni bawk.