Delhi-ah Common Secretariat sa dawn

Prime Minister Narenra Modi-a kaihhruai sorkar laipui chuan Delhi-ah Common Secretariat sak a tum. He project atan hian cheng vaibelchhe 20,000 ruahman a ni.

He building thar hi central Delhi-a Lodhi Road-ah sak tum a ni. Project thawhna atana sum ruahman, cheng vaibelchhe 20,000 hian Secretariat sakna tur hmuna cheng, chhungkaw 4,000-te in ṭhiahna tur pawh a huam tel. Kum nga chhungin Secretariat thar hi peihfel hman tum a ni.

Economic Times in a tarlan danin, Secretariat thar sakna tur ruahmanna hi PM Modi hnenah a pawmpuina la tura pek thuai a ni dawn niin a sawi.

Common Secretariat-ah hian ministry hrang hrangte sawnluh ni dawn mah se, North leh South Block-a awm, home, defence, finance leh external ministry-te chu sawn an ni dawn lo a, South Block-a Prime Ministr office pawh complex tharah hian sawn a ni lo ang.