Bihar-ah thla hnih chhungin zu litre 91,000 man

Bihar state chuan April 1 aṭang khan zu khapna dan a hmang ṭan a, zu khapna dan hman a nih aṭanga thla hnih chhungin tualchhung siam zu litre 54,000 chuang leh India Made Foreign Liquore (IMFL) litre 37,000 man a ni tawh.

Excise Commissioner Kunwar Jang Bahadur chuan zu hi Excise department man a nih thu sawiin, hemi kaih≠hnawihah hian mi 3,645 man tawhin jail-ah dah luh an ni tih a sawi. Khap≠na dan bawhchhia, thu≠buai 3,859 ziahluh a nih bakah, hmun 34,470-ah thla hnih chhungin zu dap≠in beihpui thlak a ni, a ti.

Chief Minister Nitish Kumar-a kaihhruai Grand Secular Alliance sorkar hian April 1 khan tualchhung siam zu zawrh leh in a khap a, a tahtawla khap chhoh tur ti mah se, state mipuiten an thlawp ṭhat avangin April 5 khan ramdang siam zu pawh khap zui a ni ve leh nghal a ni.

Sorkar chuan zu khapna dan hi khauh taka kenkawh a tum tih a sawi a, a ṭhenawm state Uttar Pradesh leh Jharkhand chief secretary-te hnenah pawh state ramri bula km 3.2 leh km 5 hial chhunga zu dawr hawn phal lo turin a ngen bawk.

District thuneitute hnenah state sorkar chuan zu in leh in lo fiahna tur, breath analyzer 197 a pe a, ramri bul district-ah chuan paruk ṭheuh pekin, district danga pali pek an ni thung. Hei hi mamawh belh a nih chuan district hrang hrangah hian pek belh leh tur a nih thu sorkar chuan a sawi.