Delhi-ah kal hmanga sumdawnna dap chhuak

Delhi Police-te chuan khawpui chhungah dan kalha kal (kidney) hmanga sumdawnna hmun an dapchhuak a, he thila inhnamhnawih mi paruk an man zingah Apollo Hospital-a thawk mi pahnih an tel.

Police-te hian hospital-a nupa inhau an hmuh aṭangin he thil hi an chhui chhuak a ni. A pasal hian a nupui kal hi a remtihna telloin hospital-ah hian a lo hralh nia sawi a ni.

Mi paruk man zinga pathumte chu kal hralhtu leh a lei duh turte inkara palai atana an hman ṭhin a ni. Apollo Hospital-a thawk pahnih an mante hi senior nephrologist Dr Ashok Sarin thawhpui hnai takte nia sawi an ni bawk.

Kal hmanga sumdawnnaa a bultumtu ber chu Anish tia sawi a ni a, hospital-a thawkte hian kal thlak ngai an awm chuan Anish hi an hrilh a, a ni hian man to takin a lo leitir ṭhin a ni.

Police-te chuan Sarita Vihar police station-ah thubuai an ziak lut a, an mi mante pawh thu zawhfiah mek an ni.