Vietnam hnenah BrahMos Missile hralh tum

India chuan khawvela anti-ship cruise missile chak ber zinga mi, Brahmos Missile chu Vietnam hnenah a hralh dawn niin press report chuan a tarlang.

Supersonic anti-ship missile, BrahMos hi India leh Russia thawkdunin an siam a ni. India hian kum tam tak chu Mach 3 missile hi hralhchhuah a duh tawh a, mahse Russia lamin a lo dodal ṭhin a, he an buaina hi an chinfel tak avangin a hralh thei dawn ta niin Defence Weekly chuan a sawi bawk.

Kum 2014 khan India chuan Russia President Vladimir Putin-an Vietnam a tlawh laiin missile hralh chungchang hi a lo sawichhuak tawh a, mahse hei hi buaipui zui a ni ta lo a ni. Vietnam hnena hralh tura inremna hi an siam thei a nih chuan Indian arms industry tana hlawhtlinna ropui tak nia ngaih a ni.