Tui harsat vangin soft drink unit khar phût

RSS hnuaia pawl pakhat, Swadeshi Jagran Manch chuan national council meeting an neihah ramchhunga state hrang hranga khawkheng leh tui harsatna thleng mekah soft drink industry-te chu tui hmang hektuah puhin, sorkar chu soft drink unit-te kharsak turin an ph˚t.

Swadeshi Jagran Manch chuan hmasawnna tura pawngpaw innawr ngawt lo turin sorkar chu an ngen a, hmasawnna aiin dam khawchhuah phawt chu a pawimawh hmasa zawk a ni, a ti. Development project thawhna tura thingkung kih a ngaih ṭhin chungchangah, sorkar chu khuahkhirhna khauh zawk siam turin a ti a, thingkung te hi kih belh zel an nih chuan mihringte dinhmun a hlauhawm phah thei a ni, a ti.

Meeting-a resolution an pass-ah, coca-cola, pepsi-cola leh soft drinks industry dangte chuan tui tam tak an khawral avangin sorkar chuan khuahkhirhna khauh zawk a siam loh pawhin, an unit-te khar tir rawh se, an ti. Heng unit-te hian tui lama harsatna an thlen bakah, an awmna chhehvel leilung pawh an tibawlhlawh nasa hle tih an sawi bawk.