WHO-in Aarogya Setu app fak

World Health Organisation (WHO) Director-General Tedros Adhanom Ghebreyesus chuan Covid-19 leng vanga India sorkarin Aarogya Setu app a siam chu fakin, he app hmang hian public health department-te chuan hri kai hluarna hmunte an hre nghal thei a ni, a ti. 

WHO Eastern Mediterranean Regional Committee-a thu a sawiah, Ghebreyesus chuan Aarogya Setu app chu khawvela Covid-19 contact tracing app lian ber a nih thu a sawi. He app hi mi maktaduai 150 chuangin an download tawh a, hri kai tamna hmunte hriat theih phah niin, test neih dan tur thlengin a pui a ni, tiin a sawi.

 

September 21 khan minister of state for electronics and IT Sanjay Dhotre chuan Parliament-ah Aarogya Setu hi security feature ṭha tak nena thuam a nih thu leh, user data pawh vawnhim tlat a nih thu a sawi. He app hi India ram pawn aṭanga hman theih a nih loh thu a sawi bawk.