Bawng ek aṭanga siam 'chip' in radiation titlem thei : RKA chief

Rashtriya Kamdehnu Aayog (RKA) chairman Vallabhbhai Kathiria chuan bawng ek aṭanga siam nia sawi 'chip' tlangzarhin, hei hian mobile phone aṭanga radiation pek chhuah chu a titlem thei tih a sawi. 

Bawng ek aṭanga thil siam chhuah vawrhlarna tura ram pum huap 'Kamdhenu Deepawali Abhiyan’ campaign a hawnnaah Kathiria chuan hei hi sawiin, 'chip' chu mobile phone-ah dahin, radiation a pek chhuah a titlem thei a ni tiin, natna laka an him duh chuan he 'chip' hi hmang turin a ti a ni. "Bawng ek hi anti-radiation a ni a, mi a venghim thei a ni. Hei hi scientifically-a finfiah a ni bawk," a ti. 

He special chip, 'Gausatva Kavach' hi Rajkot-a Shrijee Gaushala siam a ni. 

Union minister of fisheries, animal husbandry & dairying hnuaia  kum 2019-a din, RKA hian a tum ber chu bawng humhalh, venhim leh enkawl a ni. Aayog hian festival chhungin  bawng ek aṭanga thil siamte hmang uar tura mipui fuih nan rampum huap campaign hi a nei mek a ni.