India bei turin Pakistan a inpeih : JuD chief

Pakistan firfiak pawl, Jamaat-ud-Dawah (JuD) hotu Hafiz Saeed chuan drone hmanga India ram bei turin Pakistan chu a inpeih a, drone pawh an ngah tawk hle niin a sawi.

Kum 2008, November 26-a Pakis≠tan firfiakten Mumbai khawpui an beih
ṭuma a ruahmantu ber nia puh, JuD hotu Saeed hian he thu hi tunhnaia van≠tlang inkhawm neihah a sawichhuak a ni.

Kumin kumtir lam khan JuD hotu hian Pakistan ISI leh Army te puihnain, India dodal zawnga a hmalakna chak zawka kalpuina turin an pawl tana mi thar lakluh runpui a lo nei tawh a ni. Saeed hian ramri-a Pakistan aṭanga India ramchhung firfiakte an rawn luh rukna hmun pawh a tlawh nia sawi a ni bawk.

Ramri kaltlanga dan loa firfiak rawn lut ṭhinte venna atan sorakr laipui chuan International Border-ah Laser wall a dah a ni. Mahse JuD hian tun nipui chhung hian an pawl member an lak tharte hi India ramchhungah rawn luh tir an tum nia rin a ni. Ramri chhehvel khua tlawh hian ni hnih a cham a, khaw 10-ah thu a sawi hman a ni.

United Nations chuan kum 2008, December thla khan JuD chu firfiak pawlah puangin, an pawl hotu Saeed pawh firfiakah puan a ni. US sorkar pawhin Saeed lu manah hian dollar maktaduai 10 a lo phal tawh bawk.