UP by-election-ah Congress leh SP thawkdun dawn

Lok Sabha inthlanpuiah Uttar Pradesh-a hlawhtlinna ṭha tak an chan hnuah, Congress leh Samajwadi Party (SP) chuan Assembly seat 10-a by-election neih turah pawh thawh dun leh an tum.

Uttar Pradesh-a Lok Sabha inthlanah khan MLA ṭanglai pakua chu Parliament member atan thlan tlin an nih avangin MLA a nihna aṭanga an ban a ngai a, anni bakah MLA pakhat chu thiam loh chantir niin kum sarih tang tura hrem a nih avangin disqualify a ni bawk. Hei vang hian assembly seat 10-ah inthlan ṭhat hi a ngai dawn a ni. MP atana thlan tlin zingah hian SP president Akhilesh Yadav pawh a tel.

State Congrees general secretary, Anil Yadav chuan, "Lok Sabha-ah hnehna ropui tak changin, BJP MP neih zat chu 330-ah kan pawt thla thei a, ṭangrual lamin seat 43 kan la thung a ni. Kan thawhhona hi by-election ah pawh ka chhunzawm zel dawn a, central lama kan hruaituten seat insem dan chu an rawn rel dawn a, BJP kan hneh leh ngei dawn a ni," a ti.