Tamil Nadu-a zu ṭha lo in vangin mi 33 an thi

Tamil Nadu-a Kallakurichi district-a zu ṭha lo in vanga thi chu mi 33 an tling tawh a, damdawi-ina enkawl mek eng emaw zat an la awm bawk.

Official-te chuan zu an in hi methanol nena pawlh a ni tih sawiin, chief minister KM Stalin chuan CB-CID (Crime Branch-Crime Investigation Department) chu chhui chiang turin a hriattir tawh bawk a ni.

Zu ṭha lo an in hi sarang-a pack-in hralh a ni a, Kallakurichi-a Karunapuran colony-a nitin inhlawhfa mi 70 velin an dam loh phah a, Salem, Tiruvannamalai leh Puducherry damdawi-inah te enkawl an ni. Police-te chuan zu ṭha lo siam leh zawrhnaa inhnamhnawih mi pathum an man tawh tih an sawi. An zu siam hi litre 200 vel manin, laboratory-a enfiah a nih hnuah methanol nen an lo pawlh tih hriat a nih thu an tarlang.