Bengal CM-in criminal law hman hun tikhawtlai turin PM ngen

West Bengal chief miniser Mamata Banerjee chuan prime minister Narendra Modi hnenah lehkha thawnin, hmanhmawh taka pass criminal law pathumte hman hun chu tikhawtlai turin a ngen a, Parliament-ah ennawn leh phawt turina phut.

Prime Minister hnena lehkha thawnah, Trinamool Congress hotu Banerjee chuan cirminal law thar pathum - The Bharatiya Nyaya Sanhita (BNA) 2023, The Bharatiya Sakhsya Act (BSA) 2023, leh The Bharatiya Nagarik Suraksha Sanhita (BNSS) 2023 chu MP 146 hrem an nih laia pass a ni tih a tarlang. "I kaihhruai sorkar hmasa khan heng bill pawimawh tak takte hi sawi hona pawh awm loin, hmanhmawh takin a pass a ni. Pass ni khan Lok Sabha-ah MP 100 dawn hrem an ni a, Parliament in hnihah member 146 zet hrem an ni," a ti. Mimal thuneihna hnuaia awm ang maiin heng bill-te hi pass an ni a, chuvangin ngaihtuah ṭhat leh an ngai a ni tiin a sawi.

Hetih lai hian union law minister, Arjun Ram Meghwal chuan criminal law pathumte hi July 1 aṭanga hman ṭan an nih tur thu a lo puang tawh a ni.