Madhya Pradesh minister-ten income tax an pe tawh dawn

Madhya Pradesh chief minister Mohan Yadav kaihhruai BJP sorkar chuan kum 52 zet an lo hman tawh, state sorkarin minister-te income tax a pek sak ṭhin chu titawpin, minister-te hian anmahni ngeiin an hlawh leh allowance aṭangin income tax hi an chawi tawh dawn.

Urban administration minister Kailash Vijayvargiya chuan, cabinet meeting-ah minister-te pawhin anmahni ngeiin an chhiah pek tur an tum tur chungchang hi an remti vek a ni tiin, lungrual taka thutlukna an siam thu a sawi.

MLA 230 awmna Madhya Pradesh hian minister hi 34 chin a nei thei a ni. Sorkar chuan minister-te income tax hi kum 52 chhung chu a lo pek sak tawh a, sorkar official-in a tarlan danin, kum 2023-24-a minister-te income tax atana sum chawi zat hi Rs nuai 79.l07 a tling tih a sawi a, kum nga liam ta chhunga state sorkarin a chawi sak zat hi Rs vbc 3.17 a tling a ni. Hetih lai hian minister hlui ṭhenkhat chuan staff leh accountant lamte buaipui a nih ṭhin avangin, an chhiah chawi tur hi state sorkarin a lo tum sak ṭhin tih an hre lo niin an sawi ve thung.

CM Yadav chuan he thutlukna hi an state tana ṭha tur a ni tih sawi a, hei bakah ram tana nunna hlantu, martar nupui hnena zangnadawmna, Rs vbc 1 pek ṭhin chu tidanglamin, a nupui leh a nu leh pate hnenah 50% ve vea sem a ni tawh dawn tih a sawi bawk.