CBI-in court-ah Arvind Kejriwal an man

Delhi chief minister Arvind Kejriwal chuan 2021-22 Delhi liquor policy kaihhnawihah nimin khan Central Bureau of Investigation (CBI) chuan Delhi-a Rouse Avenue Court chhungah an man ve leh.

Nimin khan Avenue Court-ah Kejiwal hi a thubuai chungchangah thu zawhfiah tura koh a ni a, court-a a awm lai vek hian CBI chuan an man a ni. Hemi hma, Thawhlehni khan CBI hian Kejirwal hi a tan mekna, Tihar jail chhungah thu zawtin a statement pawh an lo ta tawh bawk. Kejriwal-a tana ding, advocate Vivek Jain chuan Tihar jail chhung thu zawhfiah a ni hi media lam aṭangin an hre ve chauh tih sawiin, CBI lam chetdan chu ngaihṭhat thlak loh hle niin a sawi a, prime minister Narendra Modi kaihhruai sorkar chuan Kejirwal chu jail-a dah chhunzawm a nih theihna atan 'trick tenawm' tak a khel a ni, a ti. Hetih lai hian special public prosecutor, SP Singh chuan CBI chuan Lok Sabha inthlan hma pawh khan an man thei reng a, mahse an man ta lo mai zawk niin a sawi.

CBI-in an man hnuah hian Kejriwal chuan trial court-in bail a phalsakna, Delhi High Court-in a stay sak chungchanga Supreme Court-a petition a thehluh chu a hnukdawk ve leh nghal a, mahse Supreme Court hian a thara petition a thehluh leh a phalsak a ni.