Modi leh Obama-te inkawm

US-a cham mek, Prime Minister Narendra Modi leh US President Barack Obama-te chuan Thawh≠lehni chawhnu khan meeting an nei.

Narendra Modi hi PM a nih hnua US a tlawh ṭum li-na a ni a, President Obama nen meeting an neih ṭum sarihna a nih bakah, US President hi nakkum January thlaah a chawlh tawh dawn avangin an meeting neih dun hnuhnun ber pawh a nih mai theih rin a ni bawk.

Ram hruaitu pa≠hnihte hian White House-a Oval office-ah meeting hi an nei a, thawhdunna tur hrang hrangte an sawidun a ni. Meeting-a thil pawimawh tak pahnih an sawidunte chu India rama nuclear reactor paruk siamna tura hma lak leh, sik leh sa danglam chak zel venna tura hmalakna tur hrang hrangte a ni. Nuclear Power Corporation of India leh US firm Westinghouse chuan nuclear reactor siam hna hi an ṭan thuai dawn a ni.

Meeting-ah hian Obama leh Modi-te chuan thil thleng pawimawh hrang hrangte an sawidun a, firfiaka chetna thleng ṭhin te, clean energy chungchang te, sik leh sa inthlak dang≠lam te, secuirty leh cyber security chung≠changte an sawidun. Obama chuan khawvela democracy ram lian pahnihten thawhdunna ngheh leh zau zawk an neih thu thil nihphung tur dik tak a ni, a ti.