Haryana special police officer atan sipai bang chhawr

Haryana sorkar chuan state chhung district 21-a duty turin contract basis-in kum khat chhung atan sipai bang 3,000 chu special police officer atan a chhawr.

Sorkar chuan hemi chung≠changah hian thuchhuah siamin, "Sipai bang, kum 25-50 inkar, nungchang ṭhat loh vang, dan kalha chet vang leh damloh vanga service aṭanga chawl ni lo zawng chuan he hna hi an dil thei dawn a ni" a ti.

Special police officer atana rawihte hi lawmman thla khat≠ah Rs 14,000 pek an ni ang. Haryana Police constable-ten an dil theih ang casual leave te pawh an lak phalsak a ni dawn a, an hnathawhna avanga an thi a nih chuan an chhungte hnenah ralna, cheng nuai 10 pek a ni ang.