Congress president Sonia Gandhi lakah FIR theh lut

Congress president Sonia Gandhi chu a hun taka sum pe loah puhin a lakah FIR theh luh a ni.

FIR thehluttu hi Kerala-a M/S Heather Construction Managing Partner a ni. FIR-ah hian Sonia Gandhi hming bakah Rajiv Gandhi Institute of Development Studies Chairman Ramesh Chennithala, Kerala chief minister hlui Oommen Chandy leh Kerala Pradesh Congress Committee president VM Shudheeran hmingte pawh a lang tel.

Heather Constructions Managing Partner Rajeev chuan complain a thehluhah hian Thiruvananthapurm-ah Rajiv Gandhi Institute of Development Studies building sa turin contract pek a nih thu a sawi a, mahse Kerala Pradesh Congress Committee (KPCC) chuan project thawh chhunzawmna tur hian sum an nei tawh lo tih an hrilh niin a sawi. He project siamna tura ruahmantu ber chu KPCC president hlui Ramesh Chennithala a ni.

Sonia Gandhi hian kum 2005 October thla khan institute hi a hawng tawh a, KPCC hnenah an sum pek tur la awmte chu company-in legal notice a pek hunah lo pe tla turin a hrilh a ni. Mahse company chuan sum engmah an dawng zawm ta lo nia sawiin, FIR hi an thehlut ta a ni.