UNMOGIP hotu atan Swedish Major ruat

United Nations Secretary General, Ban Ki-moon chuan Kashmir-a India leh Pakistan inkar buaipuitu, UN Military Observer Group in India and Pakistan (UNMOGIP) hotu atan Swedish Major General Per Lodin a ruat.

UNMOGIP hotu hna chelh mektu, Ghana mi Major Genreal Delali Johnson chuan July thla hian kum hnih chhung term a hmang zo dawn a, amah thlak tur hian Lodin hi ruat a ni. Lodin hi tunah hian Swedish defence ministry hnuaia Strategic Material Management at Forsvarets materielverk (FMV) hotu ni lai a ni. Kum 2006-2007-a Nato kaihhruai multi-national peacekeeping mission, Kosovo Force (KFOR)-ah hotu a lo ni tawh bawk.

UNMOGIP-ah hian 10 aṭangin spai 44 an awm a, civil staff 72 an nei tel bawk. Kum 1949 aṭang khan hna an thawk ṭan a ni.

India chuan kum 1972-a ram pahnih hruaitu, Indira Gandhi leh Zulfikar Ali Bhutto-ten Simla Agreement an lo ziah tawh avangin UNMOGIP dah hi a ṭul tawh lo niin a ngai. He inremna an ziakahihan Kashmir buaina chungchang chu ram pahnihten an chinfel tura remtih a ni. Mahse Pakistan Prime Minister Nawaz Sharif-a chuan UNMOGIP hi tihlen zel a duh thung.