Naxal-ten ITBP camp an bei

Chhattisgarh-a Indo-Tibetan Border Police Force (ITBP) camp chu nimin zing khan Naxal helhoin an bei.

Helho hian Kodagoan district-a ITBP 41st battalion camp hi rocket leh silai hmangin an bei a, rocket pawh pali an kap nia sawi a ni. Official-te chuan zing dar khat rik hma deuhin helho hian camp hi hmun thum aṭanga hualin an bei niin an sawi. Sipaite hian lo kap let ve nghalin zing dar thum velah an tawp niin an sawi. Camp beitu helho hi 100 vel nia hriat an ni.

Naxal ho hi ramhnuai lamah an tlanchhe zui leh nghal a, an inbeihnaah hian thi leh hliam an awm lo nia hriat a ni bawk. Helho hi manchhuah tumin security force-te chuan beihpui an thlak zui nghal a ni.

Security force-te chuan Naxal hel lakah hian beihpui an thlak mek a, hmun hrang hrangah pawikhawihna an thlen ṭhin pawh a tlahniam sawt niin an sawi. January - April thla chhung khan security force-te chuan Naxal hel 76 an kahhlum bakah, 665 an man.