Uttarakand speaker-in BJP leh Congress MLA a hnawl

Uttarakhand assemby speaker, Govind Singh Kunjwal chuan an state-a rorellai, Congress party MLA leh eptu BJP MLA pakhat ve ve chu May thlaa Supreme Court thupeka sorkar fiahna neih ṭuma an party kalh zawnga vote an thlak avangin MLA an nihna a hnawlsak.

Central-a BJP kaih≠hruai NDA sorkarin Utta≠ra≠khand-a President's Rule a puan hnuah, May 10 khan Supreme Court thu≠pek angin Assembly-ah sorkar fiah a ni. Hemi ṭum hian Congress party chuan fiahna paltlangin sorkar an siam zui leh nghal a ni.

Assembly-a fiahna neih a nih ṭum hian BJP MLA hel pakhat, Bhim Lal Arya chuan Congress thlawp zawngin vote a thlak a, hetihlai hian Congress MLA Rekha Raya chuan BJP lamah vote a thlak thung.

Speaker Kunjwal chuan MLA pahnihte hi an thiltih avang hian anti-defection law hnuai≠ah hrem theih an ni tih sawiin, party pahnihte thusawi ngaihthlak a nih hnuah MLA aṭanga disqualify an rel ta tih a sawi.

Constitution-a 10th Schedule-ah chuan House member-te chu a party awmna in hriattirna a siam kal zawnga vote a thlak emaw, vote thlak laia hai emaw a nih chuan House membe a nihna chu disqualify theih a ni tih a ni. Congress party hian vote lak dawn hian an party MLA zawng zawng hnenah Chief Minister thlawp zawnga vote thlak vek turin a hriattir a, BJP pawhin Congress party thlawp lo zawnga vote thlak turin an member-te chu a hriattir bawk a ni, tiin Kunjwal chuan a sawi.

MLA pahnih disqualify an nih hnu hian Congress party hian Hosue member 61 zingah member 26 a nei a, BJP chu party mala MLA ngah ber niin member 27 a nei. Mahse member paruk nei, PDF chuan Congress party hi a thlawp a ni.