India ramah zirlai awm zat an pung

India ramah kum 2001- 2011 chhungin zirlai naupang, kum 5-19 inkar chu 30% in an pung a, mahse sakhaw hrang hrangah zirlai pung zat hi a inang lo hle.

Muslim zingah kum 10 chhunga zirlai pung zat hi 44% an ni a, hmeichhia bikah 53% a tling pha. Hei vang hian Muslim zingah kum 5-19 inkar zirlai awm zat hi 63% a tling pha tawh a ni. Hindu-ah chuan 73% an awm a, student ratio sang ber chu Jain sakhaw zuitute niin 88% an awm a, Kristian-ten an dawt a ni.

Kum 20-29 inkar hna nei lo, thawh tur zawng hi ram pumah 20% an awm. Kristian zingah ṭhalai hna nei lo zat an pung a, 26% an tling. Hetihlai hian census hnuhnung berah hian Kristian-te chu sakhaw hrang hrang zingah lehkha zir sang ber an ni a, zirlai awm zat hi 80% a tling pha a ni.