Sorkarin sipaite tan Yoga Medal siam a tum

BJP kaihhruai NDA sorkar Yoga chawilar tuma a hmalakna peng pakhatah, central paramilitary troops pualin Yoga Medal siam a tum. Sorkar laipui chu June 21-a International Yoga Day ṭum hnihna hman tumin a inbuatsaih mek a ni.

Sipai tana yoga medal siam tum a nih bakah hian, anmahni zirtir tur tu, Master Yoga Trainer atan Central Armed Police Forces aṭanga chawl tawhte chhawr nawn leh tum an ni bawk. Anni hian CRPF, CISF, ITBP, SSB leh BSF hnuaia sipai nuai kua vel zet chu yoga training an neihpui ṭhin dawn a ni.

Central force hrang hrang hotute leh Union Home Ministry aiawhten meeting an neihnaah he thutlukna hi siam a ni. June 21-ah International Yoda Day hi state khawpui leh khawpui pawimawh dang hrang hrangah sipai 30,000 velin an hmang dawn bawk a ni.

Prime Minister Narendra Modi chuan Chandigarh-ah a hmanpui ang a, he hunah hian Indo-Tibetan Border Police sipia 2,000 chuangte nen IYD event hi an hmang ang.

Yoga practise naa taksa leh rilru lam sawizawina thlenga ti ṭha bik sipaite chu Yoga medal hi hlan a ni dawn a, a dawng thei tur thlan tur chungchanga kaihhruaina dante duang turin paramilitary lian ber, CRPF hnuaiah committee din a ni.