UP aṭanga Hindu-te chhuah chhan chhui dawn

Uttar Pradesh-a Kairana khua aṭanga tunhnaia Hindu chhungkua eng emaw zat an kalchhuah chhan chu BJP high level team-in chhui chian a tum.

BJP hian member pakua awmna committee hi dinin, Parliament member-te a ruat a ni. Commttee hian June 16-ah Kairana khua hi tlawhin, thil awmdan an chhui chiang ang a, state BJP unit-ah a rang thei angin report an thehlut leh dawn a ni.

BJP MP leh union minister hlui Hukum Singh chuan Karaina khua aṭangin Hindu chhungkua an tlanchhuah nasat thu a sawi. Kum 2014 aṭang khan Muslim tamna khua, Kairana aṭang hian Hindu chhungkaw 346 zet chu an bung≠ruate hnutchhiahin khawpui aṭang hian an tlan≠chhuak a ni. Hindu-te hian tualchhungah sakhaw dang betute kut an tuar fo a, hei bakah hian kum thum chhungin sakhaw thila intihbuaina, thihna hial a thlenna hi ṭum 10 vel a awm tawh niin a sawi bawk.

National Human Rights Commission chuan Kairana khua aṭanga mi tam tak tlanchhia anga report a awm avang hian kar kalta Zirtawpni khan Uttar Pradesh sorkar chu hriattirna a lo pe tawh a, he thil thleng hi chhuichiang turin a ngen.