Jharkhand Chief Minister hlui Soren-a bail dilna phalsak

Jharkhand High Court chuan dan loa ram neia puha man, chief minister hlui Hemant Soren-a'n bail a dilna chu nimin khan a phalsak.

Enforcement Directorate (ED) chuan kumin January 31 khan Soren hi PMLA hnuaiah manin, Birsa Munda jail-ah a tang mek a ni. Dik lo taka ram neia puh a nih chungchanga inhnamhnawiha puh dang, revenue department sub-inspector hlui Bhanu Pratap Prasad bakah Mohammed Saddam Hussain leh Afshar Ali te pawh man an ni bawk.

Heman Soren hi Ranchi-ah ram, acre 8.86-a zau chu dan loa neiah puh a ni a, central agency hian hemi chungchangah hian thu pawh an lo zawtfiah tawh bawk. Soren bakah sorkar official ṭhenkhat chu thubuai siamsak niin, central agency hian he thubuai kaihhnawiah Ranchi-a an in a dapnaah pawisa fai, Rs vaibelchhe khat leh silai mu 100 an man a ni. CM hluiin ram a neih danah, land record tihdanglamnaah Ranchi leh Kolkata-a land mafia-te an inrawlh nia sawi a ni.