Rajasthan-ah MIG-27 chesual

Indian Air Force (IAF) thlawhtheihna, MiG-27 fighter chu nimin khan Jodhpur, Rajasthan-ah a tla.

SHO Basni Police Station Rajesh Yadav chuan thlawhtheihna hi Mahaveer Nagar bialah a tla a, pilot hi him takin a inkhawhchhuak hman niin a sawi.

Pilot hian training mission-a khalh chhuak a ni a, khawl lamah harsatna awm nia sawiin ṭumna tur a zawng a, mahse a ṭum theih hmaa a khawl hi a thih zui tak avangin thlawhtheihna
aṭangin a inkhawhchhuak ta zawk a ni.

Thlawhtheihna chetsualna hmunah bihan police official-te an kal nghal a, ACP Jodhpur (West) Sima Hingonia chuan thlawhtheihna tla hian in pakhat a delh chhia niin a sawi.