PM Modi-a'n NDA MP-te meeting neihpui

Prime minister Narendra Modi chuan nimin khan rorellai, BJP kaihhruai National Democratic Alliance (NDA) parliamentary party meeting a kaihruai a, NDA MP-te chu parliamentary inkaihhruai dante ṭha taka zawm tur leh, senior member-te aṭanga inzir turin a chah.

Modi chuan India ramah a term thumna atan Congress party mi leh sa ni lo Prime Minister a nih leh tak avangin eptute chu an lungawi thei lo niin a sawi. Lok Sabha-a Congress hruaitu Rahul Gandhi awm dan anga awm lo turin a chah bawk.

Meeting zawhah chanchin thar lakhawmtute a kawmnaah, parliamentary affairs minister Kiren Rijiju chuan PM chuan thu pawimawh tak tak a hrilh thu sawiin, MP-te chu ram tana thawk tura thlan chhuah vek an ni a, eng party mi leh sa pawh ni se, an mawhphurhna hmasa ber chu ram tana thawh chu a ni, tiin a sawi thu a tarlang. NDA MP-te chuan ram dah pawimawh hmasa ber zelin hna an thawk tur a ni, a ti.