Pranab Mukherjee vui liam a ni ta

President hlui, Pranab Mukherjee chu sipai chawimawina famkim nen nimin khan vui liam a ni ta. 

Kum 84 mi, President hlui hi Covid-19 a kai tih hriat a hnih hnuah a thluaka clot awm vangin zai a ni a, ṭhat lam pan thei loin ni 21 chhung enkawl a nih hnuah Thawhṭanni tlai khan a thi a ni. 

Home ministry chuan Pranab Mukherjee hi ram pumah ni sarih, August 31 - Sept 6 chhung sun a nih tur thu a sawi a, hemi chhung hian sorkar building-ah hnam puan­zarte chu a ngul chanveah zar an ni ang. 

Nimin khan Mukherjee ruang hi Delhi-a a in, 10 Rajaji Magh-ah lak a ni a, mi eng maw zatin zahna an hlan. Preisdent hlui chenna ina zahna hlan tura kal zingah hian president Ram Nath Kovind leh prime minister Narendra Modi pawh an tel. 

Mukherjee vuinna inkhawm hi Lodi Road crematorium-ah neih a ni a, hripui leng vanga khuahkhirhna te siam a nih avangin a ruang pawh hi gun carriage-ah  ni loin, hearse van-ah phurh a ni.