Defence Ministry-in ‘Aatmanirbharta’ tan Rs vbc 300 dah

Ministry of Defence chuan Technology Development Fund (TDF) kaltlangin, defence lama ‘Aatmanirbharta’ tihchangtlunna turin Rs vbc 300 a dah.

Technology Development Fund (TDF) hi Defence Ministry flagship programme a ni a, 'Make in India' hmalakna hnuaiah DRDO in a kalpui a ni. He hmalakna hmang hian sorkar laipui chuan industry, MSME leh startups bakah academic leh scientific institution-te hnenah, defence leh dual-use technology tihhmasawnna turin ṭanpuina sum a pe ṭhin. Ministry chuan private industry hian he grands-in-aid hmang hian military technolgy design leh siamna kawngah an puih theih an beisei a ni.

Defence Ministry chuan he scheme kaltlanga hlawhtlinna an lo hmuh tawh hrang hrangte pawh tarlangin, Pune-based startup Combat Robotics chuan unmanned vehicle tana multi-domain simulator a siam chhuah thu a sawi. Pune-based defence equipment startup, ChiStats Labs Private Limited chuan aero gas turbine engine dinhmun enfiahna tur siam bawkin, hei hian engine rintlak leh daih rei siamna kawngah a pui a ni. Bengaluru-based NewSpace Research and Technologies Pvt. Ltd pawhin UAV a siam chhuak bawk.