NTA-in NEET PG Exam hun tur puang

National Testing Agency (NTA) chuan postgraduate medical course admission tihna tur, NEET-PG exam chu August 11-ah neih a nih tur thu a puang a, shift hnihin neih a ni ang.

NEET-PG exam hi June 23-a neih tur kha a ni a, mahse NEET-UG exam-ah paper leak leh grace mark pek danah thil fel tawk lo a awm avangin exam neih tur hi sawn a ni.

Tun hnaiah NTA buatsaih exam-ah thil fel tawk lo a awm tak fo avangin sawisel leh dem an tawk nasa hle. Hei vang hian Ministry of Education chuan exam kalphung te, data security protocol tihchangtlun dan leh NTA hnathawh dante ennawn a, siamṭhatna tura rawtna siam turin high-level expert committee a lo din tawh bawk a ni. He committee hi ISRO chairman hlui, Dr K. Radhrakrishnan-a'n a kaihruai a, member pasarih awmin thla hnih chhunga report thehlut tura tih an ni.