J&K-a inbeihna thlengah hel 6 leh sipai 2 an thi

Jammu and Kashmir-a Kulgam district-a helpawl leh sipaite inkahna thlengah hel paruk leh sipai pahnih an thi.

Director General of Police (DGP) RR Swain chuan Kulgam-ah hmun hnihah inkahna hi a thleng tih a sawi a, hel paruk kah hlum a ni tih a sawi. Hetih lai hian Modergam khuaa inkahhnaa sipai, para commando Lance Naik Pradeep Nain kah hliam a ni a, damdawi-in panpui a nih hnuah a hliam tuar loin a thi. Kulgam district-a Frisal Chihnnigam area-a inkahna thlengah 1 Rashtriya Rifles (RR) sipai pakhat, Havaldar Raj Kumar kah hlum a ni bawk. Security official-te chuan helho hi drone hmangin an awmna chin chhui zui mek an ni tih an sawi.

IGP Kashmri VK Birdi chuan helpawl leh sipaite hi an la inkah chhunzawm avangin inbeihnaa hel thi zat chiah hi hriat chian theih a la ni lo tih a tarlang. Hel an kah hlum tawh mi parukte nihna pawh inbeihna a tawp hunah an chhui chian tur thu a sawi bawk.