Bihar-ah lui tam zawkin hlauhawm chhinchhiahna pel

Bihar state hmun tam zawkah ruah nasa takin a sur a, hei vang hian an state-a lui lian - Kosi, Mahananda, Bagmati, Gandak, Kamla Balan leh Kamla te chuan hmun tam takah hlauhawm chhinchhiahna an pel tawh tih nimina Water Resources Department bulletin tih chhuah chuan a tarlang.

Ruah sur nasa avang hian tui lian a thlen mai a hlauhthawnawm tih sawiin, hmun hniam lama chengte chu hmun him lama insaseng tura hriattir an ni. Hetih lai hian ruahsur nasa avanga chhiatna lian tham thleng report erawh an la dawng lo tih an sawi bawk.