Bharat Ratna dawng turin Vajpayee leh MM Malaviya

PM hlui, Atal Bihari Vajpayee leh zalenna sualtu zinga mi, Madan Mohan Malaviya chu civil mite chawimawina sang ber, Bharat Ratna hlan an ni dawn. Sorkarin Bharat Ratna hlan rawtna hi President Pranab Mukherjee-a hnenah a thlen a, President-in a pawm hnuah December 24,2014 khan puan a ni ta a ni. December 25, 2014 a kum 90 tling ta, Atal Bihari Vajpayee hi BJP hruaitu hlun, PM pawh ṭum 3 lo ni tawh a ni.

Chawimawina hlan tur dang, Dr Madan Mohan Malaviya pawh hi Modi-an Lok Sabha inthlan campaign laia chawimawina hlan a lo tiam tawh a ni. Malaviya hi zalenna sualtu a nih bakah, Lok Sabha inthlana Narendra Modi-a tlinna bial, Uttar Pradesh-a Varanasi-a Banaras Hindu University dintu a ni bawk a, ani hi chu a boral tawh a ni. India rama civil mite chawimawina sang ber, Bharat Ratna hi mi 43 p>k an ni tawh a ni.