Kudankulam Nuclear Plant aṭangin eng pe chhuak ṭan

India rama Nuclear tha­hrui hmanga kawlphetha siam chhuahna lian ber, Tamil Nadu-a Kudankulam Nuclear Plant aṭangin December 30 zanlai aṭang khan kawlphetha pek chhuah ṭan a ni. Russia puihna-a siam, he Nuclear Plant hi a bul hnaia chengten an dodal nasat avangin hawn theih lohin rei tak a awm a, December 30 zanlai aṭang khan a vawi khat nan kawl­phetha MW 1,000 a pe chhuak ta a ni.

Cheng vbc 8,000 senga siam, Kudankulam Nuclear Plant aṭanga eng pek chhuah hi Tamil Nadu, Puducherry, Karnataka leh Kerala-ten an insem ang. Nuclear reactor dang aṭangin kum 2015-chhung hian kawlphetha MW 1,000 dang pek chhuah leh tum a ni bawk.