Omar Abdullah leh Hemant Soren te chak zolo

J&K CM, Omar Abdullah leh Jharkhand CM, Hemant Soren-a chu Assembly inthlana an chak zawk loh avangin an bang. Heng state pa­hnihah hian December 23 khan Assembly thar din tura inthlan result puan a ni a, J&K ah hian eptu pawl, People's Democratic Party (PDP) chu party mala seat la tam ber a ni a, bial 28 a la a, BJP-in seat 25 a la bawk a, rorel lai, National Conference leh Congress chu ṭang­rual pawh ni se, sawr­kar siam thei an nih loh avangin, December 24 khan CM, Omar Abdullah chuan banna a thehlut nghal a ni.

People's Democratic Party (PDP) hruaitu-te chuan ram danpui, Ar­ticle 370-na ṭawmpuia, an state tana hamṭhat­na sawrkar­in a pek-te thlawptu leh sipaite hnena thuneihna sang pekna dan, Armed Forces Special Powers Act hlih duh party-te chu sawr­kar siam turin an thawhpui thei tih an sawi.