Sorkarin Devyani Khobragade chawlhtir

New York-a India palai hlui, nikum December thlaa man a nih avanga ram pahnih inkar tibuaitu, Devyani Khobragade chu NDTV hnena a thusawi avangin Foreign Ministry-in a hna aṭangin a chawlhtir.

December 2014 thla laihawl vela NDTV-in a kawmnaah man a nih dan chungchang te, a fanu kum 2 mi chu US-a piang a nih thu leh US khua leh tui nihna nei a nih thute a sawi avangin, Foreign Ministry chuan ram pahnih inkar boruak tidanglam thei zawnga dan lova thusawiah a ngai a, heng thu sawi tur hian sorkar phalna a l^k loh bawk avangin a hna aṭangin a chawlhtir a, a chungchang chhui a nih chhung chu hna nei lo-in a awm dawn a ni.