UP-ah Congress-in MLA paruk hnawtchhuak

Congress party chuan Uttar Pradesh-a an party MLA parukte chu Rajya Sabha inthlan neih zawh takah an party thlawp lo lama vote an thlak avangin party aṭangin a hnawtchhuak.

MLA paruk-te hi Thawhlehni khan party aṭangin hnawhchhuah an ni a, nimin khan party president Sonia Gandhi chu UP-ah hian a kal nghal a, UP-a Congress party hruaitute siksawi dan tur a ngaihtuah ang.

State party unit hruai≠tu thar atana ruat tur zingah hian Jitin Prasada leh Pramod Tiwari-te hming sawilan a ni a, mahse engmah tihfel a la ni lo. Prasada hi state party chief, Nirmal Khatri thlak tura rin a ni a, Tiwari hi campaign chief atan dah rin a ni bawk. Mahse Prasada chuan party hotuten hnen aṭangin official-in thu engmah an la dawng lo tih a sawi.

Congress high command hian an party hruai≠tu hlun zinga mi, Ghulam Nazi Abad chu general secretary in-charge of UP-ah a lo ruat thar tawh bawk. Azad hian vawiin-ah Lucknow tlawhin, state level meeting-ah a telpui dawn a ni.