Jaya-in PM a hmu

Tamil Nadu Chief Minister J Jayalalithaa-i chuan Thawhlehni khan Prime Minister Narendra Modi a hmu a, an state tana a thil phut 29-te a theh≠lut nghal.

Jaya-i hian Tamil Nadu CM term hnihna chelh tura lakluh a nih hnuah PM a kawmna hmasa ber a ni a, Delhi-a a cham chhung hian an party, AIADMK MP-te a hmu bawk a ni.

PM chuan Jaya-i hi lawmpuina hlanin, memorandum a thehluh pawh a lo pawmsak a ni. PM hnena a thil phut hrang hrang a thehluh zingah hian Cauvery Management Board leh Cauvery Water Regulation Committee din te, Mullaperiyar-a water level feet 152 china dah te, lui pahnih inzawm tir dan siamte a tel. Hei bakah hian Kundakulam nuclear power plant-a unit-II chu a rang thei anga hawn tura peih tura an phutnate a tel.

Union Minister Nirmala Sitharaman chuan Jaya-i hi a thil phut hrang hrangte a sawipui zui nghal a ni.