Sakeibaknei 18-te tualthah thubuai siamsak

Gujarat-a mi pathum thah thubuaiah sakeibaknei chi khat, Asiatic lion 18-te chungthu chu ngaihtuah a ni dawn. Heng sakeibaknei 18-te hi khung hran mek an ni.

Asiatic lion-te ramsa vang tak leh humhalh an ni a, an chenna ramte mihringten an luahsak zel avangin an tlem chak hle.

Gujarat-a Gir National Park-ah hian Asiatic lion hi 400 vel an awm nia hriat a ni. Mahse he park-ah hian sakeibaknei hi 270 vel chauh an awm theih avang≠in an zinga tam tak chu an awmna ram tur duan pelin an vak chhuak fo a ni.

Supreme Court chuan Gujarat hnenah park-a sakeibakneite hi state danga sawnchhuak turin a lo hriattir tawh a, mahse he thupek hi state sorkar chuan a la chhang lo a ni.

Police-te chuan sa≠kei≠baknei 18 an dahhrante chu an ke hniak leh an ek-te enfiahin, mi pathum seh hlumtu ber chu hriat≠chhuah a ni dawn tih an sawi. Pawikhawihtu ber hi an manchhuah hunah sahuanah dah luh a ni ang a, a dangte chu ramhnuai≠ah chhuah leh an ni ang.