J&K-ah mipui leh police intibuai

Jammu and Kashmir-a Jammu khawpuia sakhaw hmun pawimawh, Hindu temple pakhat chu mi pakhatin a suasam nia sawi a nih avangin, Thawhlelhni tlai khan mipui thinrimin lungawi lohna an lantir a, bus-te halin police-te lungin an tawng bawk.

Jammu khawpuia Janipur bialah chuan motorcylce eng emaw zat hal a nih bakah, mipui pungkhawm hian dawr tam tak an suasam bawk.

Police-te chuan mipui pungkhawm hnawhdarh tumin tear gas-te an hmang a, pungkhawm≠te hian police station compound chhunga amotor pahnih an hal zui bawk a ni.

Police-te chuan mipuite thinrimna chhan, Roop Nagar biala temple suasamtu nia an puh hi rilru rualban lo, rilru lama chiang lo niin an sawi.

Buaina punlun zel tur venna kawng khat atan nimin khan Jammu and Kashmir-ah hian moble internet service tihtawp a ni a, boruakin ziaawm lam a pan chuan hei hi sut leh thuai a ni dawn tih thuneitute chuan an sawi.

Nimina Legislative Assembly rorel inkhawmah pawh temple suasam chungchang hi sawi≠chhuah a ni. MLA-te chuan dik lo taka thil titu chu hrem ngei an phut thu an sawi a, hemi rual hian pawisawi lote tawrhna thlentir lo tura an duh thu an sawi bawk.

J&K-ah vek hian nimin khan Kupwara district-a Line of Control (LoC)-a Machil sector-ah securityforce-ten firfiak pakhat an kap hlum a,a thurualpui dang≠te zawn mek an ni bawk. LoC vengtu, 56 Rastriya Rifles sipaite chuan Thawhlehni khan Jet Gali bula Katwara ramhnuaiah firfiak ho hi an hmu a, thu zawhfiah an tum chu firfiakte hian an kap nghal mai niin army officer chuan a sawi. Firfiakte hian sipai pakhat a kahhlum bakah mi dang pali an kaphliam a ni.

Firfiakte nena an inbeih hnu hian sipaite pui turin hian para-troo≠per tirh belh nghal an ni a, ui≠fing leh chopper nen firfiak tlan≠chhiate hi man ngei tumin beihpui an thlak chhunzawm nghal a ni.