AAP-in party thupuangtu hrem

Aam Aadmi Party (AAP) chuan an party thupuangtu, MLA Alka Lamba chu thla hnih chhung atan party thupuangtu a nihna aṭangin a chawlh tir.

Lamba hian AAP Minister Gopal Rai chu Tranport portfolio laksak a nihna chhan chu app-based premium bus service lakah duhsakna hleihluak taka a lantir avangin Anti-Corruption Branch (ACB) in eiruk kaihhnawiha a chhui mek vang a ni tiin a lo sawi a ni.

Party-in an hrem chungchangah lungawi lohna a neih loh thu sawiin, Lamba chuan party tana thawktu rinawm, inkaihhruaina ṭha ngaisang mi a nih thu a sawi a, party thutlukna chu pawm thu leh, tihsual a neih chuan insiamṭhat pawh a inpeih reng thu a sawi.

June 14 khan Gopal Rai hi a hriselna dinhmun ṭhat tawk loh chhuanlamin transport minister aṭang hian a bang a, mahse eptu pawl BJP leh Cognress chua ACB-in a chhui vang nin an puh thung. Rai chuan eptute puhna chu thu dik lo a nih thu leh, a taksa chak tawk loh vang chauha bang a nih thu a sawi.