Chhúm zingin Chennai airport a tibuai

Thlasik khawvawtin ramchhung hmar lam a tuam mek zel a, ṭiauchhum chhah tak zing chuai reng avangin Rel eng emaw zat tlan thei loin an awm mek. UP ah ṭiauchhum-khawvawt vangin mi pali an thi tawh a, ṭiauchhum vang hian Delhi-ah thlawhna 100 leh Rel 90 zet chawlhtir lailawk an ni.

Ṭiauchhum hian chhim lam pawh a hrut mek zel a, Pathian­ni khan Chennai airport leh a chhehvel a bawh vek avang leh metre 50-100 a thui chauh hmuh theih anih vangin darkar nga chuang thlawhna thlawk chhuak tur tihkhawtlai a ni.

Chennai-ah hian thlawhna 25 zet tihkhawtlai an ni a,a dang pasarih te chu Bengaluru leh Hyderabad-ah thlawh tir an ni. Ṭiauchhum hi Chennai-ah a awm ngai meuh lo a,hetia a zin phui vek avang hian khualzin za chuang an tangkhan phah a ni.

Chennai airport hian instrument landing system (ILS) (thlawhna khalhtu in thlawhna tlankawng a hmuh thui theih zawng metre 500 aia a tawi chuan ILS hmang hian an ṭum ṭhin) dah tho mah se a hman theih loh a ni.

Thuneitute chuan satellite hmang GBAS ang chi Chennai airport ah bun tum a ni a,hei hi chhumzin lai pawhin a ṭangkai hle an beisei thu an sawi.