Ramria inkah vangin mi tam tak tlanchhia

Jammu and Kashmir-a International Border-ah Pakistan sipaite'n India lam hawia silai an hmehpuah chhunzawm reng avangin ramri bula cheng mi tam tak chu hmun him lamah an tlanchhia.

Thawhṭanni zan khan aṭang khan Pakistan sipaite hian Jammu-a International Border-a hmun hrang hrang aṭangin Border Security Force (BSF) post-te an bei a ni. Pakistan sipaite hian Samba, Hiranagar, Kathuan, Ramgad leh Arnia sector-a BSF post 45 vel an kap nia sawi a ni a, Thawhṭanni khan Pakistan sipaite hian Hiranagar-ah BSF sipai pakhat an kaphlum bawk.

Pakistan sipaite silai hmehpuah avang hian ramri bul khuaa cheng, mi 10,000 vel chuan an in leh lo an tlanchhiatsan tawh a ni.

Home Minister Rajnath Singh chuan Thawhṭanni khan ramria inkahhai thuthlung palzut a nih dan chungchang hi high-level meeting-ah a sawipui tawh a, ramri biala civil mite thil neih tihchhiatsak an nih dante pawh official-te a sawipui bawk.

BSF Director Genral DK Pathak pawh nimin khan Jammu-ah kalin, ramri dinhmunte hi a enfiah nghal a ni. Pathak chuan ramria boruak muanawm tak a awm an duh a, mahse Pakistan sipaite'n silai an hmetpuak a nih chuan ngawi renga lo dawh an tum loh thu leh an chhanlet tur thu a sawi.