Delhi Police-in Sunanda Puskhar thah a ni tih a nemnghet

Congress hruaitu leh Union Minister hlui, Shashi Tharoor-a nupui, Sunanda Pushkhar chu kum 2014, January 17 khan New Delhi-a Leela Hotel-ah thi a hmuh a ni a, a thih dan hi chhui zui zel niin nimin khan Delhi Police Commissioner BS Bassi chuan Sunanda hi midang kut tuara thi a ni tih a sawi.

Bassi chuan post mortem report aṭangin Sunanda chu thihdan pangngaia thi a ni lo tih a lan thu leh, tûr vanga thi a nih thu a sawi. "Post mortem report chuan tûr hi a thil eiah telh a ni nge, a taksaah chiu luh tih a tarlang tel lo a, hei hi kan chhui chiang leh dawn a, a sample pawh rampawn lamah kan thawn dawn a ni," a ti.

Police-te chuan Section 302 hnuaiah thubuai an ziaklut a, Shashi Tharoor leh a chhungte pawh thu zawhfiah an ni ang.