State tinah Investigative Units on Crimes against Women din rawt

Ministry of Home Affairs (MHA) chuan state tinah Investigative Units on Crimes against Women din a rawt a, a senso chu state sorkar nen 50:50 in an intum sem ang.

Union Home Minister Rajnath Singh chuan state tina Chief Minister-te hnenah lehkha thawnin, criminal justice system tihchak a ngaih thute a hrilh a, a bikin hmeichhiate chunga pawikhawihna thleng hluar zel avanga investigation, prosecution and trials lam ngaih pawimawh a ṭul thute a sawi a ni.

MHA chuan unit hi state tina pawikhawih hluarna bik district-ahte din a rawt a, unit tinah hian thawktu 15 dahin, heng zinga panga te chu hmeichhia ni turin a rawt bawk. Unit tih len leh thawktu dahbelh chungchangah state te chu thuneihna pek an ni ang.

Home Ministry rawtna anga unit hi din a nih chuan kumtinin a sensoah cheng vaibelchhe 84 sen a ni dawn a, heng zinga cheng vaibelchhe 42 chu centre-in a tum dawn a ni.