India leh Thailand-in inremna ziak

India leh Thailand chuan economy, counter terrorism, cyber security leh human trafficking lama thawhdunna tur inremna thuthlung an ziak.

Thailand Prime Minister Prayuth Chan-och chu kar kalta Zirtawpni tlai khan ni thum cham turin a rawn zin a, a cham laiin ram pahnihte hian inremna thuthlung hi an ziak a ni.

Thailand PM leh Prime Minister Narendra Modi-te hi inkawmin, ram pahnihten zau zawka thawhdunna nghet neih an duh thu an sawi. Thuchhuah inṭawm an siamah, PM pahnihte chuan sector ṭhenkhata investment tihpun a nih tur thu pawh an sawi a ni.

PM Modi chuan ram pahnihte chuan firfiakte chetna thleng ṭhin tibo turin theihtawp an chhuah dun zel dawn tih a sawi a, India leh Thailand chuan defence leh maritime laman inzawmna thuk zawk siam an remtih thu a sawi bawk.

Ram pahnihte hian inlaichinna ṭha zawk leh, ram mipuite inpawhna ṭha siamna atan nakum hian India-ah festival of Thailand leh, Thailand-ah festival of India buatsaih an tum a ni.