Essar laka complaint Home Ministry-ah thlen

Essar Group-in sumdawng lian leh politician ṭhenkhatte telephone-a inbiak≠na a lo record ru nia sawi chung≠chang chu Home Ministry-ah thlen a ni a, a ṭul anga action la turin ngen a ni bawk.

Complaint hi Prime Minister Office (PMO) lawyer, Suren Uppal-a siam a ni a, Essar Group hian an group security hotu hlui, Albasit Khan chu sumdawnna lama an elpuite inbiakna te lo an lo hriat theih nana lo la peng ru ṭhin tura thupek a ni, a ti. Phone inbiakna an ngaihthlak ruk hi kum 2001 leh 2006 inkara mi a ni.

Essar Group laka complaint thehluhah hian Mukesh leh Anil Ambani-ten company director leh promoter-te bakah, senior official-te an biakna, call log-te pawh tarlan tel a ni. Hei bakah hian PMO-a senior official-te inbiakna pawh an ngaihthlak ruk zingah hian a tel tih sawi a ni bawk.

Home Ministry chuan Essar Group phone tapping chungchang hi chhui turin thupek a tichhuak a, an chhuina report chu zawhfel a nih hunah PM office-ah hriattir a ni ang, a ti.

Mahse Essar chuan an puhna hi thu dik lo niin a sawi thung a, an Group tihhmingchhiat tuma beihna nia an ngaih thu an sawi.